WASIIRKA WASAARADDA GARGAARKA IYO MAAREYNTA MUSIIBOOYINKA DOWLADDA PUNTLAND IYO WAFDI WASIIR KUXIGEENO AH OO AY HOGAAMINEYSAY OO KULAN GOGOL XAAR NABADEED AH KU YEESHAY DULEEDKA DEEGAANKA TEERAGE EE HOOS TAGA DEGMADA GAALKACYO.

Wasiirka Wasaaradda Gargaarka Iyo Maareynta Musiibooyinka DPL, Dr. Ubax Cabdirashiid Maxamed Xirsi iyo Wafdi ka kooban Wasiir Kuxigeeno iyo Masuuliyiinta Gobolka Mudug Puntland oo ay hogaamineeysay oo kulan la yeeshay Masuuliyiinta Gobolka Mudug ee Galmudug.

Kulankaan oo ay ka qayb Galeen Wasiirka Wasaaradda Gargaarka Iyo Maareynta Musiibooyinka Dowladda Puntland Ubax Cabdirashiid Maxamed Xirsi, Wasiir Kuxigeenka Warfaafinta Puntland Yacquub Maxamed Cabdalla, Wasiir kuxigeenka arimaha gudaha PL Cabdiraxmaan Khaliif Faarax, Wasiir kuxigeenka hawlaha guud PL Cabdiqaadir Gaylan, Gudoomiyaha gobolka Mudug Faysal Shiikh Jifojabsade, Gudoomiyaha gobolka Mudug ee Galmudug Cabdinaasir Cabdiqaadir Cabdille, Gudoomiyaha Degmada Gaalkacyo ee Galmudug Cabdiraxmaan Shiikh Xasan, Agaasimaha dawladaha hoose Maxamed Cali Xaashi, Isuduwaha dawladaha hoose ee G. Mudug Gudoomiyaha degmada Galdogob Xasan Faarax Ayaxle iyo Masuuliyiinta amaanka Gobolka Mudug ee Puntland iyo Galmudug.

Kulanka oo qaatay saacado badan ayaa la isku afgartay in si wada jira xalka iyo nabadaynta looga wada qayb qaato.

Subaxnimada bari ah ayaa la filayaa in wafdigaan ay labada dhinac la kala qaadan doonan kulamo kale oo xal loogu raadinayo colaada ka socoto Galbeedka Gobolka Mudug.

….DHAMAAD….

BAAHINTA XAFIISKA WARFAAFINTA IYO WACYIGELINTA WASAARADDA GARGAARKA IYO MAAREYNTA MUSIIBOOYINKA DAWLADDA PUNTLAND.